Fríggjadagin, tann 27. mars 2026 kl. 19:00 kemur Trygvi Danielsen at vitja í Føroyahúsinum við nýggju bók síni “hey:)”, sum hevur undirheitið “TAÐ METAMODERNISTISKA DÓMADAGSMANIFESTIÐ.”
Á skránni verður bókaprát, sum rithøvundurin og bókmentafrøðingurin, Sissal Kampmann, kemur at samskipa við Trygva.
Áhoyrarin fær eisini høvið at spyrja spurningar, og at enda verður møguliga okkurt surprise.
Bókin fæst sjálvandi til keyps hetta kvøldið.
Dyrnar lata upp kl. 18:00 og kaffistovan/barrin er opin.
