MFS
MFS-Keypmannahavnaranevndin er ein nevnd, ið er partur av lestrafelagnum Meginfelag Føroyskra Studenta (MFS).
Nevndarlimirnir í MFS-Keypmannahavnaranevndini eru føroysk lesandi, sum miðvíst arbeiða fyri at samansjóða føroysk lesandi í Keypmannahavn.
Hvørt ár verður nýggj nevnd sett, og tá hava øll føroysk lesandi í Keypmannahavn møguleika at stilla upp, og koma við í nevndina.
Árliga verður skipað fyri ymsum tiltøkum, so sum Flaggdagshald, Summargrill og Betri Byrjan.
Harafturat verður eisini skipað fyri øðrum tiltøkum, millum annað listaframsýning og fernisering í samstarvi við Listafelagið, jólahugna og kunningarkvøld um ymiskt viðkomandi.
MFS-Keypmannahavnaranevndin er eisini at finna á Instagram (kphmfs) og á Facebook (MFS). Her verður kunnað um komandi tiltøk og hvørjum vit arbeiða við í løtuni.
Hevur tú eitt hugskot til eitt tiltak ella spurningar viðvíkjandi MFS-Keypmannahavn, ert tú vælkomin at senda ein teldupost til kbh@mfs.fo