Á veg heim? Ella søkja lestrarstarv?

MFS og Betri Banki skipa fyri einum kunnandi tiltaki í Føroyahúsinum, har tú fært góð ráð í sambandi við at søkja starv, kunning um skattaviðurskifti í Danmark, góð ráð um at seta búgv fyrstu ferð, umframt áhugaverda vitan um bústaðar- og arbeiðsmarknaðin í Føroyum.

Á skránni verður:

-Beinta Wilhelm, starvsfólkaleiðari í Betri Banka, gevur tær góð ráð í sambandi við at skriva CV og starvsumsóknir. Harumframt gevur hon tær íblástur og amboð til, hvussu tú kanst finna teg til rættis á arbeiðsmarknaðinum í einum starvi ella lestrarstarvi, sum tú trívist í.

-Bjørg Svartá og Ingrid Jensen frá Ráðgevingini fyri føroyingar í Danmark, greiða frá um skattaviðurskifti, og hvussu tú skalt gera skattin upp í Danmark, tá tú hevur eitt lestrarstarv.

-Hanna Castro, ráðgevi í Betri Banka, gevur góð ráð um, hvussu tú røkkur dreyminum at ogna tær tín fyrsta bústað, og hava eina góða fíggjarstøðu í lestrartíðini.

-Høgni Waag, ognarmeklari hjá Betri Heimi, greiðir frá um bústaðarmarknaðin í Føroyum, og gevur tær góð ráð, sum skalt seta búgv fyri fyrstu ferð.

-Niels Winther, stjóri Vinnuhúsinum, greiðir frá arbeiðsmarknaðinum í Føroyum.

Eftir tiltakið bjóðar Betri Banki ábit.

Øll sum luttaka fáa eina goodiebag, og eru eisini við í lutakastinum um eitt gávukort á 2.000 krónur frá Atlantic Airways.

Tiltakið verður hósdagin, 19. marts 2026, kl. 18:00 í Føroyahúsinum.

Tiltakið er ókeypis, men tað er avmarkað pláss og tí er neyðugt at melda til.

Tilmelding: https://www.betri.fo/fo/banki/tiltok/tiltak-i-kbh